សារសំខាន់ពីរដ្ឋាភិបាលអូស្ត្រាលី

ឥឡូវនេះយើងណែនាំដល់ប្រជាជនអូស្រ្តាលីទាំងអស់ កុំធ្វើដំណើរទៅបរទេសនៅពេលនេះ។ នេះគឺជាកំរិតដំបូន្មានខ្ពស់បំផុតរបស់យើង (កំរិត ៤ នៃ ៤) ។

ប្រសិនបើអ្នកនៅក្រៅប្រទេសរួចហើយ ហើយចង់វិលត្រឡប់ទៅកាន់ប្រទេសអូស្រ្តាលីវិញ យើងសូមណែនាំឱ្យអ្នកធ្វើវាឱ្យបានឆាប់ តាមមធ្យោបាយ ពាណិជ្ជកម្ម។

សូមកត់សម្គាល់ថា ដោយសារគ្មានការហោះហើរត្រង់ពីកម្ពុជាទៅអូស្ត្រាលី អ្នកគួរតែប្រាកដថា ជើងហោះហើររបស់អ្នកត្រឡប់ទៅកាន់អូស្រ្តាលី មាន តែការឆ្លងកាត់តាមអាកាសយានដ្ឋានតែប៉ុណ្ណោះ (ឧទាហរណ៍ អ្នកកុំចាកចេញពីអាកាសយានដ្ឋាន ដើម្បីផ្ទេរទៅអាកាសយានដ្ឋានមួយទៀត ទោះបី នៅក្នុងទីក្រុងតែមួយក៏ដោយ)។ ប្រសិនបើអ្នកចាកចេញពីតំបន់ឆ្លងកាត់ សូម្បីតែដើម្បីប្រមូលឥវ៉ាន់របស់អ្នក ដើម្បីឆែកចូលជើងហោះហើរ ផ្សេង ទៀត ប្រទេសដែលអ្នកកំពុងធ្វើដំណើរ អាចតម្រូវឱ្យអ្នកបំពេញ រយៈពេលនៃការដាក់ខ្លួនឱ្យនៅដោយឡែក នៅក្នុងប្រទេសនោះ ទោះបីអ្នកមិនបាន ចាកចេញពីអាកាសយានដ្ឋានក៏ដោយ។ យើងសូមណែនាំឱ្យអ្នកទាក់ទងក្រុមហ៊ុនអាកាសចរណ៍របស់អ្នក ដើម្បីទទួលបានព័ត៌មានបន្ថែម។

អ្នកធ្វើដំណើរគួរតែដឹងថា ជម្រើសរបស់អ្នកមានកំណត់កាន់តែខ្លាំងឡើងសម្រាប់ជើងហោះហើរពាណិជ្ជកម្ម។ អ្នកគួរចងចាំចំណុចនេះ នៅពេល ពិចារណា ផែនការធ្វើដំណើររបស់អ្នក។

ដើម្បីទទួលបានព័ត៌មានថ្មីៗ សូមតាមដានទំព័រហ្វេសប៊ុករបស់យើង និងដំបូន្មានរបស់រដ្ឋាភិបាលអូស្រ្តាលីសម្រាប់កម្ពុជា 

សម្រាប់ជំនួយការកុងស៊ុលបន្ទាន់៖

• +៦១ ២ ៦២៦១ ៣៣០៥ ពីបរទេស

• ១៣០០ ៥៥៥ ១៣៥ មកពីក្នុងប្រទេសអូស្ត្រាលី

សម្រាប់ការសាកសួរដែលមិនមានភាពបន្ទាន់ សូមអ៊ីមែល [email protected]

ស្ថានទូតនឹងឈប់ទទួលភ្ញៀវទូទៅ (រាប់បញ្ចូលទាំងពាក្យសុំលិខិតឆ្លងទូទៅ) ហើយនឹងទទួលតែភ្ញៀវមានភាពអាសន្នប៉ុណ្ណោះ។ ប្រសិនបើអ្នកយល់ថា​បញ្ហារបស់អ្នកគឺជារឿងបន្ទាន់ សូមទាក់ទងមកស្ថានទូតតាមរយៈលេខ ០២៣ ២១៣ ៤៧០។

ព័​ត៍​មាន​បន្ថែម:

ដោយមិនទាក់ទងពីទិសដៅ អាយុ ឬសុខភាពរបស់អ្នក ដំបូន្មានរបស់យើងគឺ មិនត្រូវធ្វើដំណើរនៅពេលនេះទេ។

នៅពេលដែលប្រទេសជាច្រើនបិទព្រំដែនរបស់ពួកគេ ឬដាក់ការការរឹតបន្តឹងការធ្វើដំណើរ  ការធ្វើដំណើរទៅក្រៅប្រទេសកាន់តែស្មុគស្មាញ និង ពិបាក។ អ្នកប្រហែលជាមិនអាចត្រឡប់ទៅប្រទេសអូស្ត្រាលីវិញដូចពេលដែលអ្នកបានគ្រោងទុកទេ។ ពិចារណាថា តើអ្នកមាន លទ្ធភាព ទទួល បានការថែទាំសុខភាព និងប្រព័ន្ធគាំទ្រដែរឬទេ ប្រសិនបើអ្នកឈឺខណៈពេលនៅបរទេស។ ប្រសិនបើអ្នកសំរេចចិត្តវិលត្រឡប់ទៅអូស្ត្រាលីវិញ សូមធ្វើឱ្យបានឆាប់តាមដែលអាចធ្វើទៅបាន។ ជម្រើសពាណិជ្ជកម្មអាចមានកាន់តែតិចទៅៗ។

ប្រសិនបើអ្នកនៅបរទេស ហើយមិនអាច ឬមិនចង់វិលត្រឡប់មកអូស្ត្រាលីវិញ សូមធ្វើតាមដំបូន្មានរបស់អាជ្ញាធរមូលដ្ឋាន។ យកចិត្តទុកដាក់ ដើម្បី កាត់បន្ថយហានិភ័យរបស់អ្នក ក្នុងការប្រឈមនឹងមេរោគឆ្លង រួមទាំងការដាក់ខ្លួនឱ្យនៅដោយឡែក។ ប្រសិនបើអ្នកជ្រើសរើសបន្តស្នាក់នៅ សូមកត់ សម្គាល់សមត្ថភាពរបស់យើងក្នុងការផ្តល់ជំនួយកុងស៊ុលនៅកន្លែងខ្លះអាចត្រូវបានកំណត់ ដោយសារតែការរឹតត្បិតលើចលនា និងសេវាកម្មផ្សេងទៀត។

ទាក់ទងក្រុមហ៊ុនអាកាសចរណ៍ ភ្នាក់ងារទេសចរណ៍ ឬក្រុមហ៊ុនធានារ៉ាប់រងរបស់អ្នក ដើម្បីពិភាក្សាពីផែនការធ្វើដំណើរ និងជម្រើសរបស់អ្នក សម្រាប់​ការលុបចោល ឬការពន្យារពេលការកក់ ឬដើម្បីរៀបចំជើងហោះហើរពាណិជ្ជកម្មត្រឡប់ទៅប្រទេសអូស្ត្រាលីវិញ។

នាវាទេសចរណ៍ទាំងអស់ដែលបានបើកពីកំពង់ផែបរទេស ត្រូវបានហាមឃាត់មិនឱ្យចូលកំពង់ផែអូស្ត្រាលីអស់រយៈពេល ៣០ ថ្ងៃ។

សម្រាប់ព័ត៌មានបន្ថែមសូមមើល (COVID-១៩) - ព័ត៌មានសម្រាប់ទំព័រធ្វើដំណើរអូស្ត្រាលី។